Aizawl: Congress MLA, eptu Group Leader Zodintluanga chuan, “Kan Chief Minister thusawi thu taka lak kan tum ta lo leh thu taka lak tlak sawi a nei lo hi mipui kan khawngaihthlakin a beidawn thlak,” a ti.
Hachhek Bial fanga kal Zodintluanga, MLA chuan Kawrtethawvenga intawhkhawmnaah thu a sawi a. “Kan Chief Minister thusawi apiang hi nuihzat tur changin kan chang vek tawh mai a, ‘hmasawnna a sawi ang em’ tiin kan chang ngai tawh lo. Nuih tur chanin kan chang tawh a, a hnuaia hnathawh hi hrehawm an ti ngawih ngawih tawh a ni,” a ti.
Zodintluanga chuan, “Congress sawrkar sum dah sa an chen zawh chuan kal ngaih na an hre lo ang. Tun kan full budget turah hian sum lo kal sa tur engmah hriat a ni lo a, Budget session hi March ni 4-a tawp tur a ni a, pawisa nawlpui lo kal tur hi March thla lama lo kal tur a ni chauha hei hi mi chikmite chuan an hlau a ni,” a ti bawk.