Aizawl: ZPM Leader Lalduhoma chuan, “Kan party a mi thiam te nen kum hnih chhung uluk takin kan policy kan zir ho va, kan tih theih leh kan tih ngei ngei tur chiah kan duang a ni," a ti.

ZPM General Headquarters hruaitute hian nimin khan Khuangphah leh Vaikhawtlang khuate tlawhin vantlang inkhawm an nei a, he huna thu sawitu ZPM Leader chuan, "Tun hma atang khan kan budget-ah kuthnathawktute tan sum dah a ni ve ngai lo va, enkawltu neilo ang mai kan ni. Chin tur min han hrilh ve bawk thin mah se a hralhna tur lam min ngaihtuah pui leh si lo va, mi hlawhchamah min siam ta a ni," a ti a.

ZPM kalphung tur sawiin, "Bana kaih (Hand holding) policy kan kalpui dawn a, thlai thar kan lei dawn; kan thlai lei turte chu inthlan dawnah kan hotuten an puang dawn a. Hei bakah hian vegetable supply chain kan kalpui dawn a, lockdown laiin kan hmang a, thingtlang thlai thar chhuahte man tlawm zawkin kan lei thei a nih kha, kan thlai mante man man zawka kan hralh zui zel theih nan private enterpreneur-te nen thuthlung ziakin ruahmanna tha tak kan siam dawn a, a rate sawrkarin a thunun dawn a ni,” a ti bawk.

ZPM hruaitute hi ZPM Champhai North Block II hruaitute ten an tawiawm. ni.