Kanye West leh Irina Shayk an in-date?

Admin - Jun 06, 2021

hayk hi model chhe lo tak a ni a, a lo kawp tawh zingah footballer lar Cristiano Ronaldo pawh a tel | Ronaldo nen an inthen hnu hian American actor lar Bradley Cooper nen hun eng emaw chen an inzui

Khawthlang media te chuan American rapper Kanye West leh Russian model Irina Shayk te chu an in date niin an tarlang mauh mai le. 

Kanye West hi a nupui Kim Kardashian nen thla thum liam ta khan an inthen a, Irina Shayk pawh a ‘thlawi’ lai tak niin Bradley Cooper nen an inthen hnuah kawppui mumal a la nei leh lo. 

Kim Kardashian hi kumin February thla khan a pasal Kanye West lak atang hian a inla hrang a, tunah chuan Kanye hi a single miau avangin dem theih a ni lo. 

Kum 35 mi Irina Shayk hi model chhe lo tak a ni a, a lo kawp tawh zingah footballer lar Cristiano Ronaldo pawh a tel a, a zei thawkhat ang tih chu a rin theih. Ronaldo nen an inthen hnu hian American actor lar Bradley Cooper nen hun eng emaw chen an inzui leh a, fanu pakhat an nei. An fanu Lea De Seine Shayk Cooper pawh hi kum li mi lai a ni ve tawh a, khawlaiah a nu a zui hnak hnak thei tawh. 

Shayk leh West te an in date nia sawi chungchangah hian an mahni lam an la ngawih miau avangin thuchhiang hriat tur a la awm lo, chutih rual chuan media ten an sawi zawm tawh chinah hi chuan eng emaw tak hi a awm duh chawk a nia. 

West leh Shayk te hi tun hnaia inhmel hriat thar chauh an ni bik lem lo. Kum 2010 khan American rapper hian music video ‘Power’ chu a tlangzarh a, chuta model sexy tak tak inlan zingah chuan Irina Shayk hi a lo tel vang tawh. 

Hemi hnu hian West hian a hla thuah Irina Shayk hming lam telin ‘I wanna see Irina Shayk next to Doutzen’ tih te pawh a lo chhamchhuak nawk tawh a, Russian model lakah hian a luang liam ve hle ni tur a ni. 

An inkarah eng nge thleng zel dawn sawi lawk theih a ni lo - thlir zel phawt ang! 

Share now