Japanese company Kawasaki chuan India ramah an bike thar tlangzarh an tum hnai nia tarlan a ni. An bike thar tur hi W175 a ni a, September thla vel hi chuan an tlangzarh hman beisei a ni.  

Kawasaki W175 hi an bike dangte aiin a man a tlawm dawn a, an sum dawnna hmun India mipui nawlpui ban phak chhawpchhuah an tum niin a lang. W175 hi Rs 1.75 lakhs (ex-showroom) man vel tura ngaih a ni a, bike man to tih tur a ni lo. 
W175 hian 177cc single cylinder engine a hmang dawn a - 13PS, 13.2Nm niin five speed gearbox a ni dawn bawk. 

Hei hi India rama single cylinder bike an chhawpchhuah vawi khatna tur a ni ang. BS6 fuel-injection niin, a hmaah 220 mm disc brake a hmang a, a hnungah 110 mm drum setup a awm bawk ang. Kawasaki W175 tlangzarh hun tur hi tihchian la awm lo mahse September 25 niin medeia thenkhat chuan an tarlang.