ZALEN, June 15, 2024; Damdep area ah ni 48 chhung kawlphetha mumalin an nei tawh lo a, mipui nunphung a buai hle tawh.

YMA Damdep II leh Young Chakma Association Damdep Zone ten thuchhuah an siam a an tarlan danin, Lawngtlai District huam chhûng Damdep Area-ah hian 28.4.2024 atang khan darkar khat chiah kawlphetha an neih avangin mipui nunphung a buai tawh hle a, hetiang taka kawlpheta an nei lo rei hi mipui ngaihthahna lian takah an ngai a, Damdep area-a cheng mipuite an lungawi lo hle a ni.

Damdep hi Lawngtlai District, Bungtlang South Sub-Division, Power & Electricity Department hnuaia awm niin, tunah hian ni 48 vel zet kawlphetha (power supply) nei mumal lovin an awm tawh a ni.

Vawiin YMA Day ni 15.06.2024 hian Vaseikaia Power and Electricity Department J.E-te dawrin Damdep power line hi a that thu leh tun dinhmun-ah Chawnhu Panel Board a that loh thu P &E thuneitute hian an lo sawi a, he tih mêk lai hian an khaw thenawm khaw thenkhatte chuan power supply hi an nei thin tho si a, he thil hi Damdep Area mipuite chuan hriatthiam harsa an ti tak meuh a ni.