Septembet 1, 2023 : Kolasib District Drivers & Welfare Joint Action Committee chuan Kolasib district chhung National Highway chhe lutuk siamthat phutin tukin dar 6 atang khan kawngpui an dang.

Kawngpui an dan hian dan leh thupek kengkawhtu (Force/Police Duty) te, magistrate, school naupang, damlo leh thihna bakah sakhaw thil avanga veivak tur, flight ticket leh rail ticket tlai thei bakah emergency case leh chanchinbu mite a huam lo.

JAC hian highway chauh an dang ping dawn a, Kawnpui, Sairang junction leh Rengtekawn-ah te an duty.

Kawngchhia siam a nih theih nan hian Kolasib District Driver's & Welfare JAC chuan hma an lo la tawh thin a, August ni 28, 2023 khan kawngchhe zual laite hi a hmunah enin an kalchilh tawh.

Bilkhawthlir lam changtu Ratna company te pawh an office ah an hmu a, kawngchhia te chu a hma lama hnawh turin an ngen nghal a ni. Anni hian hmalak an tum thu an lo hrilh a ni.

Sethawn leh Kawnpui inkar kawng pawh hemi ni hian an tlawh nghal a, NHIDCL hnuaia contractor Salome Company te nen pawh inbiak niin hna tha taka thawk chhunzawm tur leh mipuite harsatna awm lova kawng siamtha thuai turin an ngen bawk.

Hemi hnua thuchhuah an siamah chuan district chhung kawng an tlawh thu leh hnathawktute pawh in tha taka kawngchhe lai hnawha lirthei leh a khalhtute thla muang taka an kal theihna turin hma an lak tur thu an hrilh a, August ni 28-31, 2023 chhunga an hmalakna in hmasawnna an neilo a nih chuan hna chakzawka a kal theihnan Kolasib district huamchhunga lirtheia eizawng tute leh lirthei neitu ten highway (NH-6) chu siamthat a nih hma loh chuan kawng zawh hrih tawh lo turin hmalak an tum tih an lo sawi tawh.