April 23, 2024; Aizawl Traffic police chuan kangmei chhuah thulhah Kangthelh motor chet velna dipa lirthei dah in pawi lian tak a thlen thei tih an tarlang.

Mipuite zawm tur an tarlan ah, khua a thal chho zel a, kangmei chhuah thulhah Kangthelh motor chet velna dipa lirthei kan dah thin hian pawi lian tak a thlen thei tih hriain kawngpui dunga lirthei dah mai mai lo turin an ngen.

Hetihlai hian kumin January atanga March thla tawp thleng khan Mizoramah in kang 16 chhinchhiah ni tawhin, kangmei vangin mi pakhatin nunna a chan tawh.

Fire & Emergency Services chhinchhiah danin kumin thla thum chhung bikah in kang 16 leh ram kang tum 33 a thleng tawh a. Kangmei vanga thi pakhat awmin hliam an awm lo thung. Kangmeiin thil a tihchhiat hlut zawng belhkhawm chu Rs. 6,70,80,332 a ni a, bungraw chhe tur chhanchhuah (salvage) zat chu Rs. 6,03,77,000 a tling.