December 13, 2023; Aizawl Traffic Police chuan thuchhuah siamin, Aizawl khawpui chhunga In satute'n an bungraw dah dan/cement chawh dan/leivung leh bungraw load leh unload kawngah mipui veivakte tan harsatna an thlen thina hriat a ni a, hei hi thil fello tak a ni tih an tarlang.

Thuchhuah an siama tarlan a nih danin, AMC atanga In sak phalna/permission hmuh a nih pawhin, midang tana harsatna thlen khawpa kawngpui dunga bungrua leh thildang dah theihna a huam lova, lirthei veivak tibuai lova hnathawk turin In sa tute ngen an ni.

Mipui vantlang veivakte tana harsatna thlen theihna hmuna In sa turte chuan ruahmanna felfai zawk siam a nih theih nan SP, Traffic hnenah kan hmalak dan tur inhriattir zel tur a ni.