ZALEN September 25, 2026 : Aizawl Traffic Police-te leh Mizoram Police Constable Practical Training nei mekte chuan vantlang kawngpui mahni ta anga hmangte leh mahni dawr kawt hauh thinte dap chhuah runpui nei.

Aizawl Traffic Police te chuan Aizawl khawpui veng hrang hrangah chhun lama vantlang kawngpui mahni ta anga hmangte leh mahni dawr kawt lo hauh ve ringawt te dap chhuah runpui neiin lirthei eng emaw zat an man thu an tarlang.

Traffic Police chuan vantlang kawngpui chu mi zawng zawng ta a nih avangin mimal ta anga hmanglo tur leh ta neih loh turin kan inhriattir a, a tul angin dan angin hmalak zel tum a ni an ti.

Traffic te hian Aizawl khawpui chhungah traffic ti-jam thei truck lian kawngsira dah leh bungrua load thinte pawh check-in traffic dan zawm lo lirthei eng emaw zat man bawk a ni.

Tarlan tawh angin Thawhtanni atanga khan Traffic Unit, Aizawl-a probationary course hmang mek 70th Batch Mizoram Police Constable-te chu Traffic Police-te kaihhruainain Aizawl veng hrang hrangah traffic dan zawm lo dap chhuakin an duty a ni.