DOWNLOAD OUR APP

Read latest news on your phone
app-store

Kawnpui dai kawng chhia kha engtin zel?

Apr 12, 2014

Kawnpui dai kawng chhia kha engtin zel?

March thla kan chawhnu leh tareng mai. Kan hmalawkah Furpui lo thleng tur a inmun leh ta mup mup mai. April thla an chawhnu ang a, Tomir thla in kan inrin hman hma-in min rawn nangching chawpchilh leh maiin a rinawm. He Furpui kan hmalawka inmun mek hian engtiang takin nge Mizoramah hian harsatna a thlen leh dawn ni ang le ?. Nikum lam ang em kha chuan harsatna kan tawk tawhlo turah ngai ila. Inbuatsaihna hun tha Thlasik leh Thal khua Ruah tui hullai Thlaruk zet liam hnu a, Furpui lo intan tur chauh a nih avangin, Thlaruk chhung hi chuan nikum lama Mizoramin harsatna namenlo Kawnpui dai kawngchhia avang a, Zoram mipuiten harsatna kan tawh ang kha thleng tawhlo turin,helai hnathawktute pawh hian hma anla ngeiin a rinawm. Hmanni lawk khan Silcharah chakkhai lamin kan kal a, Durtlang Via Kawnpui lam kawng a tanga kal kan ni a. Ka rilru a lianber chu helai Kawnpui dai kawngchhia kha an siamtha tawh ngei ang a, tlan a nuam par par tawh ngawt ang chu ? Tih hlir mai chu ka rilru ah a lang a. Sairang lam kawng National Hight-way kan han chhuak chho chiah chu, ka lo rinlawk angin kawng chu a lo awmta reng reng lo mai. A chhiat ngaiin a la chhe reng a. Beisei nei takin helai hi chu anla rawn siam thleng lo a nih dawn hi. Nikum lama Motor tam tak Mizoram chakkhai phur hote tanna lai, a chhe zuallai kha chu an siamtha tawh thovang tiin kan tlan chho zel a. Motor tam tak tanna hmun kan thlen chuan, Kawng khuar thuk tak takte chu a hming chuan anlo hnawhkhat ve a. Mahse helai siamthat nan a an hmalakna hi an duhtawk pawh tawh nge ? Helai hmunah hian hnathawktu reng reng hmuh tur an awm tlatlo mai. Nikum lamah khati khawp khan buaina kan tawk a ni a. Tuna ansiam kawngkhuar anhnawh hi an duhtawk hrih a nih chuan, Furpui alo inher chhuak leh ang a, he kawng hi Ruahtuiin a tihuh leh reng ang a. Ruahtui huh chung chuan Motor lian Full Load rit tak takin a zawh reng bawk dawn a , Ruahtui tlak tam avanga Lei nem hun hi a thleng leh ngei ang. Helai kawng Lung hmanga a hming tak taka hnawhkhah ringawt hian tlinloh chin a nei ang a, a hma ang bawk khan a khuar leh dem dum dawn tih a chiang reng. Motor lian tan kal ngaihna awm lovin, Zoram mamawh phurtu Motorte chu helai hmunah hian an inkhawmpui leh luih luih ngeiin a rinawm. Chuvang chuan tunah hian Thlakhat vel Furpui lo thlen hma hian hun a la awm a. Khua a tlai hma leh Mipuite mangang aurawl a rik leh nuaih nuaih hma hian, helai kawng a mawhphurtute hian helai Kawnpui dai kawngchhia siamtha turin hma anlak ngei ngei a ngai a ni. Tin NGO'S lam nikum lama harsatna kan tawh vang a aw nei thinte pawh khan, tun hun hi aw neih hunlai tak a ni tih hria-in, aw han nei leh mawlh tehse. A boruak sosan laia aw neih rikngawt a sawtloh zia hria-in, tun hun hi hun tha a nih hre reng chungin, helai kawng vanga harsatna kan tawh tawhloh nan hian NGO'S pawl hrang hrangte hi han inrawlh leh vat tehse. Tun Thal ruah vawihnih sur ringawtah pawh khan helai kawng diak hian thenkhat tan harsatna a thlen leh hman der tawh a ni tih pawh hi i hre tel nghal bawk ang u. - Hlunbuangpuia Pa, Chanmari, Aizawl
Share now