An inthen tih thawm a awm atanga thla tam pawh a liam hmain Kendall Jenner leh a bialpa Devin Booker te chu an inkar a tha leh tawh tih khawthlang media te chuan an tarlang leh ta. An 'renew' leh tawh tih hi Kendall Instagram video post atangin an lo hre leh chat tawh a ni. 

Kum 26 mi American model Kendall leh basketball star Booker (25) te hi chawlh hmangin an zin dun a, an chawlh hmanna video thenkhat hi Kendall hian IG story lamah a tarlang a ni awm e. Video-ah hian Booker hi hlim takin a awm tih a lang a, an inthen tih thawm awm chu he video hmang hian an rawn nawt reh leh ta a ni.  

E! News leh Entertainment Tonight te chuan June 22, 2022 khan Booker leh Kendall te hi kum hnih an inzui hnuah an inthen tih an tarlang a, thudik a ni reng em tih finfiahna a awm lo thung. Tunah chuan thlalaite star rawn hian an inkar a tha tih an tarlang leh tawh a, fans lam pawh rilru nuam takin an awm thei tawh ang. 

Kendall hi khawvela model lar berte zinga mi a ni a, a vanglai a hmang mek bawk - Ben Simmons, Blake Griffin, A$AP Rocky, Jordan Clarkson, Chandler Parsons leh Harry Styles te pawh a lo 'date' tawhtu hi  pakhatah a rinawm reng thei ang em tih chu hunin a la hril dawn a ni.