Prashanth Neel-a film siam KGF: Chapter 2 chu tun laia Bollywood film lar berte zinga mi a ni a, sum pawh a thawkchhuak hnem rem rem hle. KGF: Chapter 2 hian Box Office atangin cheng vaibelchhe 1000 chuang zet a lalut tawh a, India bakah khawvel hmun dangah pawh entu an thahnem hle tih a lang.

Sum lakluh tam lamah hian 'Dangal' pawh a khum a, tunah chuan India-a film sum lalut tam pahnihna dimhnun a hauh der tawh. KGF hmasa zawk kha 2018 khan tihchhuah niin, a hit hle a nih kha. KGF: Chapter 2 pawh rin phak bakin a che tha leh a, Tamil tawnga film dub zingah chuan a hlawhtling ber pawl a ni. He film-ah hian Yash chu hero a ni a, Sanjay Dutt chu chu misual a ni thung - Srinidhi Shetty leh Raveena Tandon te an inlan bawk.