May 1, 2024; Lunglei district a Tlabung khua chu boruak lum leh uap in a tuam reng avang leh power supply a awm dawn loh avangin vawiin leh naktuk atan bik zirna in kai hun tih danglam a ni.

Tunlaiin Tlabung leh a chhehvel a khaw lum lam chu a tehna ah degree celcius 40 a kai chho deuh reng avangin, chhun lam ah phei chuan khawlaia chhuah ngam a ni meuh lova, hetihlai hian P&E dept, chuan vawiin leh naktuk lamah shutdown tuma ruahmanna an siam avangin MZP sub, Hqrs Tlabung chuan zirna in khar rih mai turin thuneitute an ngen a ni.

Thuneituten an ngenna an ngaihtuah hnuah, zirna in khar chu remchang dawn chiah lo mah se, school kal hun erawh tihdanglam an remti a, elementary bik chu zing dar 7 atanga chawhma dar 10 thleng leh secondary school bik chu zing dar 6:30 atanga chawhma dar 10:30 thleng kal turin ruahmanna siam a ni tih Tlabung MZP hruaitute chuan an sawi.

Thlalak : File picture