December 6, 2023; Khawzawl Police ten PHE tui pipe rutu mi 3 nimin khan an man.

Khawzawl Police te hian, tun thla ni 3 a PHE Department in Kawnzar veng tui an pekna, Kawihthuang Line a Tui Pipe hman lai 11 misualin an ruk chu chhui zuiin nimin khan tui Pipe rutute hi an man a. Tui Pipe rutute hi Lalzuiliana (27), Zonunsanga (24) leh Lalhmangaihsanga (24) te an ni a, an vai hian Khawzawl Kawnzar veng vek an ni.

Khawzawl Police te hian huan thlai bo thin chungchangah hma an la mek tih sawiin tunhnaiah ringawt pawh mi 6 vel an man thu an sawi bawk.

Khawzawl Police te hian kumin chhungin Khawzawl Police Station-ah thubuai 57 an ziaklut tawh a, heng zingah hian rukruk a tam ber.