April 22, 2024; Mizorama ah 'Khehpuam' an tih mai (Pseudoephedrine) a tawmimrih niin a lang a, kum liam ta 2023-24 chhung khan man a awm lo. Hetihlai hian Methamphetamine erawh kg. 100 chuang man a ni thung.

Excise & Narcotics Department (END) tarlan danin, Mizoram a Khehpuam man hmasak ber chu kum 2011 ah niin, hemi kumah hian kg sang 1 chuang man a ni. Kum dangah pawh kg sang 3 chuang man kum te pawh a awm.

Hetihlai hian kum 2019 chho atangin Khehpuam hi a tawmim emaw man tur a awm lo emaw chho tan a, kum liam ta 2023-24 ah phei chuan man tur a awm tawh lo.

Hetihlai hian Methamphetamine erawh man tur a tam chho niin a lang a, kum liam ta chhung a END te man zat chu kg. 106.652 zet a la tling.