Real Madrid ropui vanglaia inkawp fuh leh hlauhawm tak thin mi pathum Cristiano Ronaldo, Gareth leh Benzema te chu Bernebeu-ah an lut khawm leh dawn niin media thenkhawtin an sawi. 

Khawvel footballer ropui zinga chhiar hmaih tawh loh tur Ronaldo hi tuna a khelh mekna Juventus lamah a tuitla lutuk tawh lo nia sawi a ni a, Champions League last 16 atanga an tlak hnu phei chuan a dinhmun chianglo hle niin thuthang a tam hle. 

Tunah hian Ronaldo hian Juventus lamah contract ala nei a, mahse he inremna a tawp hma ngei hian pound maktaduai 25 vel bawr tala hralh chhuah leh an duh niin an sawi. An star player hi season dang an kawl leh chuan man neilova an chhuah a ngaih dawn avangin Juventus lam hian hralh chhuah hi an hnial lem lova, Ronaldo hralh chungchangah hian  inbiakna neih an hrehlo niin thu thang a awm bawk. 

Hetia Ronaldo chung chang an khel lai hian, Real Madrid lama a kawppui Benzama chuan Ronaldo nena khelh dun a chak thu a lo sawi ve mek a, mahse manager Zinedine Zidane erawhin engmah ala sawi lo thung. 

Tottenham lama loan a kal mek Bale hi tunah hian a dinhmun a chiang rihlo hle a, season tawp lamah chuan Real Madrid lama kirleh a tum thu a sawichhuak a, amahin duh mah se Real manager Zidane nen an inmil loh avangin a club lamah hian a kir leh kher lo maithei bawk. Tunah hian Bale hi Real lamin euro maktaduai 15-in an zuar niin an sawi.