DOWNLOAD OUR APP

Read latest news on your phone
app-store

Kherson atangin Russia sipaite inhnukdawk dawn!

Nov 09, 2022

Russia sipaite chu Ukraine khawpui pawimawh Kherson atanga inhnukdawk tura thupek an nih thu BBC chuan a tarlang. Ukraine-a Russia commander awm mek General Sergei Surovikin chuan he lai hmun atanga inpuchhuak tur hian Defence Minister atangin thupek an dawng tih a sawi bawk.

Russia sipaite chu Ukraine khawpui pawimawh Kherson atanga inhnukdawk tura thupek an nih thu BBC chuan a tarlang. Ukraine-a Russia commander awm mek General Sergei Surovikin chuan he lai hmun atanga inpuchhuak tur hian Defence Minister atangin thupek an dawng tih a sawi bawk.

Kherson hi Russia-in a awp khawpui pawimawh tak ni mah se an awp zui thei dawn tawh lo a, hei hian Ukraine sipaiteah phurna nasa tak a pek ngei rin a ni. General Sergei Surovikin chuan he lai hmun atanga inpuchhuak tur hian Defence Minister atangin thupek an dawng tih sawiin, he khawpui awp zui zel chu thil harsa tak a nih thu a sawi. Kherson atanga an chhuak leh a nih chuan Western Bank-ah Russia sipaite awm an awm tawh dawn lo tihna a ni. 

Kherson an chhuahsan tur chungchangah hian Russia President Vladimir Putin a la tawng chhuak lo thung a, Russian state TV kaltlangin General Surovikin chuan an dinhmun hi a puang a ni. Putin hian September thla khan Kherson an awm thu hi a puang a, an inlak chhuah tur chungchangah erawh thuchhuah a nei dawn lo niin a lang. 

Kherson awp tur hian Russia chuan deputy governor Kirill Stremousov a dah a, mahse vawiin khan thah a ni. Ani hi mi pawimawh tak a ni a, a thihna hian nghawng thui tak a nei turah ngaih a ni. Russia sipaite supply lakna kawngpuia lei thenkhat chu Ukraine sipai ten missile hmangin an bomb chhia a, hei vang hian Russia sipaite hian tun hnaiah harsatna an tawk nasa hle nia tarlan a ni bawk. 

Share now