Reality star Kim Kardashian chuan law a zir ve  ngei a, mahse first year pawh a zo hlei thei lo - a tum hnih nan a fail leh tawh! 

A fail thu hi tun hnai khan 'Keeping Up With The Kardashians' show-ah a sawi chhuak a, law firm din chu a tum a nih thu a sawi mauh mai. 

American TV show lar 'Keeping Up With The Kardashians' hi kum 14 zet hlawhtling taka kalpui a nih hnuah June, 10, 2021 (Ningani) khan episode hnuhnung ber tihchhuah a ni a, a dang a chhuak zui tawh dawn lo. Episode tawp berah hian Kim a inpuang a, a law zirah tum hnih a fail thu leh exam leh a la tum thu a sawi chhuak a ni.  

Law dergree neih hnuah firm din a tum a, amaherawhchu, a tum ang ngawtin a lo awlai lo nasa mai a, a kum khat zirnaah tum hnih ngawt a fel nghal a, a la beidawng duh chuang lo. 

Kum 40 mi lai ni ve tawh Kim Kardashian hian ni sen sa hnuia lehkha a zir lai thlalak chu Instagram lamah a lo tarlang tawh a, caption-ah "Studying in the Sun" tih a hmang a, mi aktaduai nga zetin an like a ni. 

He tih lai hian American rapper Kayne West chuan a nupui hlui Kim Kardashian hi Twitter-ah a unfollow a, an inkar siam that tumna an nei lo a nih hmel hle.