Kimkima leh G'nie te hla thar 'Ka ngai che' tih chu zaninah ngaihthlak theiha chhawpchhuah a ni dawn ta. An hla thar hi Darbu application-ah dah a ni dawn thung a, man chawia ngaihthlak a ngai dawn tihna a nih chu. 

Kimkima leh G'nie ten hla thar an tichhuak dawn tih hria a piangin ngaihthlak an chak a, eng lam hawi nge nia ang tih chu an inrinsiak - ngaihthlak tur a awm dawn tak avaning ring buai loa lei tawh mai tur a ni. 'Ka ngai che' tih hla hi Kimkima phuah a ni a, zaipui atan Mizo rapper lar G'nie chu phungbawm atan a sawm a ni. 

Kimkima hian hla a phuah nual tawh a, a hlate hi a aw nena mil tak tak vek a ni. G'nie nena an sak dun tur hla hi engtiangin nge a rawn phuahchhuah tih chu i nghaihthlak hunah i lo chik dawn nia. Music video hi Reuben Lalmalsawma kutchhuak a ni a, hmuh tur a awm nghal mai dawn lo thung. 

A hla hi man chawia ngaihthlak turin Darbu App lamah an dah hmasak avangin music video hi engtikah nge an tihchhuah theih dawn a hriat loh a, thla khat vel tal chu nghah a ngai mai thei.