Liverpool boss Jurgen Klopp chuan Manchester United supporter ten, club neitu laka lungawi lohna an lantir chu awm a tihpuirualin, an kal na deuh mah maha a hriat thu a sawi chhuak. 

Manchester United hmelma hlun Liverpool club manager Klopp-a ngaihdanah chuan, club supporter te chu club neitute lakah an lungawi lohna chu lantirin an thinrimna te pawh an inhriktlak chang a awm ve turah a ngai a. Mahse, remna leh muanna tichhe zawng a kalpui erawh a pawm zawng a ni hauh lo thung. 

Liverpool manager Jurgen Klopp chuan supporter ten a Manchester United inkhel tur sawn ngai khawpa an protest chhan chu a hriat tiampuiin an hma hunah rah tha a chhuah ngei pawh a ring. Chutihrualin, an kal nat luat vanga fans leh police lamin hliam hial an tuarh chu tha a tih loh thu a sawi.