April 24, 2024;  Tukin dar 5 vel khan Kolasib Vengthar a chhungkaw pathum luah lai Assam type In, chhawng thum chu bungrua engmah chuh hman loh in a kang a, mihring thi leh hliam erawh a awmlo.

In kang ta neitu hi Lalthakimi, Kolasib Venglai East a cheng niin, In luahtute hi, a hnuai ber luahtu Malsawma te nupa niin, fa nausen pakhat an nei a, a lai ta luahtu hi Lalhmachhuana te nupa niin fapa pakhat leh fanu pakhat an nei a, an fapa pakhat hi nausen thla thum mi a tel a, a chung ber luahtu Salim Ahmed leh a nupui Lalmuanpuii te niin thla khat vel chauh an la luah hman a, anni hi an fanu leh fapa pakhat ve ve te nena cheng an ni.

In kàn chhan hi hriat chian nilo mahse, a chung ber luahtu te in a eichawp dawr te atanga kang tan ni a hriat ani. Kolasib Fire service te chuan In kang hi theihtawp chhuah in thelh an tum nain, a zualpui chu a kang hman a, a ruangam erawh a kan ral hma in an thelh thei hlauh a ni.

 In kang ah hian eirawngbawlna Gas hman lai pahnih a puak tel tih hriat a, hetihlai hian mihring hliam leh thihna a thlenglo a ni.