Kolasib-ah naupang khawih a tam
Aizawl: Kolasib District-ah naupang pawikhawihnaa inhnamhnawih leh kumtlinglo pawikhawihna tuartu an tam.
Nikum chhung khan Kolasib district-ah naupang kumtlinglo pawikhawihna tuar an thahnem hle a, Child Welfare Committee chuan hetiang case hi 136 zet ngaihtuahin case 134 chu an chingfel hman. Hemi chhung vek hian District Juvenile Justice Board pawhin naupang kumtling lo pawikhawih case 38 khawihin 33 chu an chingfel hman.
District Child Protection Unit officer Lallaisanga sawi danin naupang, a bika enkawl leh venhim ngai (Children in need of care and Protection) hi case 136 zet an khawih a, heng zinga case 16 te hi a hma kuma an chinfel hman loh niin case thar 120 zet an neih belh a, nikum 2018 chhung khan case 134 chingfelin case 2 erawh an chingfel hman lo.
CWC-in case thar an dawn zinga a tam zawk hi mipat hmeichhiatna lam hawia naupang khawih tawk niin hei hi case 38 zet a awm. Hemi bakah nu leh pa nih tling lo (incapacitated parents) vanga naupang harsatna tawk case 23 an dawng bawk. Case dang hi naupang hlamchhiah (neglect) te, naupang tlanbo (runaway), ruihhloin a tihbuai (sunbstance abuse), chhungkaw retheihna avanga harsatna tawk leh taksa lama harsatna tawk (physically abuse leh emotionally abuse) te an ni.
Hetih lai hian naupang kumtling lo, dan kalha che (Juvenile in Conflict with Law) te chungchang ngaihtuahtu District Juvenile Justice Board chuan nikum calendar year chhung vek khan case thar 17 an dawng a, a hma kuma an chinfel hman loh case 21 an neih sa nen a vaiin case 38 an khawih a ni. Heng zingah hian case 33 chu chinfel niin case 5 chinfel hman loh an nei thung. Case thar zingah hian rukruk case tam berin case 8 an dawng a, a dawttu pawngsual case 5 awmin case dang hi IT Act leh kut inthlak case te a ni hlawm a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024