Aizawl April 24, 2024: District Urban Development Office, Kolasib leh Govt C. Zakhuma Higher Secondary School, Eco Club tangkawp buatsaihin vawiin khan College Veng Kolasib Areopagi-ah 'Project: Waste Free Kolasib' khuhhawnna neih a ni a. Govt. CZ HSS Eco Club te hian Kolasib Tui lakna Tuichhuahen fintu Tuilut lui hnar thenfai hnatlang an nei nghal.

Govt. CZ HSS hian nikum khan Tuichhuahen fintu lui hnar thenfai hna hi an lo thawk tawh a. Bawlhhlawh Bag 100 zet an lo paih tawh. Kumin ah a aia nasa zawk a hmalak tumin Eco Club ten ruahmanna an siam a. An ruahman dan chuan Bawlhhlawh hi bag 200 tal thenfai an tum a. School naupang 150 vel bakah Zirtirtu mi 20 an thawk chhuak a ni.

Principal Govt. CZ HSS Lalnghilhlova Chinzah kaihhruaia 'Project: Waste Free Kolasib' vailiamna hun ah hian khuallian Kolasib DC John LT Sanga chuan CZ HSS Eco Club te hmalakna chu thil ropui tak nia a hriat thu a sawi a. He an hmalakna hian Kolasib khawpui faina kawngah, veng chhung, mimal faina lama kan inenkawlna ah thu ropui tak a sawi a rin thu a sawi. Zirlaite leh Zirtirtuten Office pawimawh tak nen a thawk ho a, khawtlang tihfai hna, kan tui in tur hnar tihfai hna thawk tura an pen chhuahna chuan thangkhawk ring tak a siam zel a beisei thu a sawi.