April 4, 2024; Thli leh ruahin a tihchhiat East Lungdar a Kohhran Pavalai Pawl (KPP) intawhkhawmna tur pandal chu ngawrh taka sak that mek niin, intawhkhawm hmain peih fel hman beisei a ni.

East Lungdar atanga ZALEN thudawn danin, pandal sak hna hi chhun ah leh zan lam (kohhran inkhawm awm loh zan) ah te hnatlangin thawh chhoh mek a ni a, vawiin (4.4.23) ah pandal chung khuh zawh fel theih beisei a ni.

Thudawnna chuan April 12-14,2024 a KPP rampum huap intawhkhawm neih hmain an inpeihfel hman theih an beisei a, hnatlang pawh an thawk ngawrh hle niin a sawi.

Tarlan tawh angin KPP intawhkhawmna tur pandal peih fel thawkhat tawh hi March ni 31, Pathianni zing a thli leh ruahsur khan a ti chhe vek a, mi 5,000 bawr vel lenna tur a ni.