Aizawl September 2, 2023 : Mizoram Presbyterian Kohhran leh Mizoram Baptist Kohhran ten an inhman tawm, Kristian Hla Bu chu ennawn tum mek a ni a, hemi chungchang sawiho hian kohhran pahnihte hi an thukhawm.

Synod Office Committee Room I-a Presbyterian Kohhran leh Baptist Kohhran aiawhten Kristian Hla Bu ennawn chungchangah an thutkhawm hi Synod Moderator Rev. Dr. C. Chawnghmingliana’n a kaihruai.

Inrawn khawmnaah hian Mizoram Presbyterian Kohhran atangin Synod Worship Executive Committee member 13 leh BCM atangin Kristian Hla Bu Ennawn Committee member 13 an tel thei bawk.

Kristian Hla Bu hman meka hla awm mek 600 atanga belh leh paih turte an thliar bakah a chuang thin - Thu chhiar inchhawn te, tawngtaina te, solfa ziah dan te, hla bua hla chuangte phuahtu a dik thei ang bera dah turin an en ho a ni.

Tuna Kristian Hla Bu an hman lai hi kum 2004-a ennawn kha niin kum 20 chuang hman a ni tawh.