ZALEN December 5, 2024 : TBC Car Rental chuan an dinchan kum 10 na pualin December 9, 2024 hian Aizawl to Lengpui Airport inkar leh Airport leh Aizawl inkarah a thlawnin an service dawn a, booking ti hmasa apiang an vannei ang.

Aizawl to Lengpui inkarah hian lirthei 40 an service tir dawn a, Lengpui Airport to Aizawl inkarah hian lirthei 40 an service tir dawn bawk a, mi 80 tana ruahman a ni. He free ride a tel duh tan chuan whatsapp leh call heng phone number 9862367445 leh 897462947-ah hian contact theih a ni.

TBC Car Rental neitu TBC Lalthatluanga chuan tunah pawh hian booking ti an awm nual tawh tih a sawi a, damlo leh miharsa zawkte tana buatsaih a nih laiin sawrkar tirha zinchhuak tur leh tour nei tur ten an an rawn bia tih a sawi a, an beisei loh lam atanga rawn diltu a, theihtawp erawh chhuah an tum.

Theih ang ang chuan siamrem an tum tih a sawi, tun tum an free ride-ah hian a huhova zin tur ang chi hi an tan a remchang lo tih a lo hrilh tawh tih ZALEN a hrilh. Mi 80 hi a tira an ruahmanna a ni chungin flight thlen dan a zirin hei aia tam pawh passenger hi phur thei an nih thu a sawi bawk.