Aizawl: Kum 2017-2018 chhung khan Mizoramah rannung seh vanga thi mi 2 an awm. Economics & Statistics Department in damdawiin hrang hrang atanga record an lakkhawm atanga a lan danin kum 2017-18 chhunga rannung seh vanga thi 3 zinga 2 hi rul chuk vanga thi an ni a, 1 dang hi tarlan chian a ni lo. Chhinchhiahna atanga a lan danin 2017-18 chhung hian rannung seh case hi 4670 an awm a, heng te hi ui, zawhte, rul, sazu leh rannung dang seh an ni a. Case an chhinchhiah zingah hian ui seh chu tam lawrlakin case an chhinchhiah 4670 zinga 3960 chu ui seh a ni a, hei hi case an neih atanga chhutin 85% a tling pha a ni. Ui seh baka case chhinchhiah dang te chu rul chuk case 253, zawhte seh 149, sazu seh 51 leh rannung dang seh 105 te an ni.