Kum 2022 ah ruahtui 2015.1mm a tla : Kum dang nen sik leh sa danglam lutuk lo
Nikum 2022 khan Mizoramah ruahtui 2015.1 mm a tla a. Sik leh sa chawhrual pawh 21.8 degree celcius niin kum dang nena khaikhinin inthlak danglam lutuk a ni lo.

Aizawl: Nikum 2022 khan Mizoramah ruahtui 2015.1 mm a tla a. Sik leh sa chawhrual pawh 21.8 degree celcius niin kum dang nena khaikhinin inthlak danglam lutuk a ni lo.
ZALEN-in Science & Technoology department thawktute hnen atanga thu a dawn danin nikum chhung khan Mizoramin thla tin ruahtui a dawng a, July thla ah dawng hnem berin 460.2 mm a tla a, December ah tla tlem berin 2.0mm a tla a ni. Ruahtui tlak tam ber ni chu July 22 niin hemi ni hian ruahtui 65mm a tla a ni. Ruahtui hi kum 39 chhunga tla zat chawhrual 2050.5 mm aiin nikum hian a tla tlem hret a ni.
Sik leh sa thu ah pawh chawhrualin kum dang nen danglam lutuk a awm lo a. Nikum chhunga temperature hniam ni ber chu January 29 niin hemi ni hian 8 degree a ni a, khaw lum ni ber chu April ni 28&29 niin hemi ni hian 32 degree a tling a ni.
Kum 10 kalta chhunga ruahtui tlak tam ber ni chu June ni 13,2017 a ni a, hemi ni hian ruahtui 180 mm a tla a ni.
Kum 10 kalta chhung veka khawvawh (temperature) hniam ber chu January 13,2017 niin 2.7 degree celcius a ni a, a san (lum) ni ber chu April ni 13,2017 niin 36.5 degree celcius a ni.
Latest News
-
Police-in lie detector report zirchianna ngaichang mek
2m | Jan 29, 2023 -
February 8-ah Dy. Speaker thlang dawn
1m | Jan 29, 2023 -
CM leh G20 Chief Coordinator Harsh Vardhan ten G20 thlen dan tur sawi
2m | Jan 29, 2023 -
Airtel leh Reliance Jio ten 5G pek thuai an tum
2m | Jan 29, 2023 -
Thalaite hi kan ram leh hnam hmalam hun neitute in ni -Rindika
1m | Jan 29, 2023 -
India-in Ladakh-ah China nena nasa zawka inep ring
3m | Jan 29, 2023