ZALEN January 12, 2025 : Nikuma Mizoram khaw lum lam chawhrual chu 21.5°C a ni a, kum dang nena ngaihtuahin sik leh saah danglamna lutuk a awm lo.

ZALEN-in Science & Technology department atanga thu a dawn danin nikum chhunga khaw vawh ber ni chu January 12 niin hemi nia khaw vawh lam chu 10°C a ni a. Nikum chhung veka khaw lum ni (temperature san lai ber) chu September 22 kha niin hemi ni hian 33°C a ni.

Science & Technology department thawktute chuan temperature san lai ber kha khaw vawh ni ber leh a san ber ni chu a lum ber ni a ni kher lo tih sawiin a hniam lam (minimum temperature) kha a pawimawh tih an sawi.

ZALEN zawhna chhangin Science & Technology department thawktute chuan nikum chhung khan Mizoramah ruahtui 2,295.9 mm a tla tih an sawi bawk a, nikum chhunga ni khata ruahtui tlak tam ber ni chu May 28 a ni tih sawiin hemi ni hian ruahtui 205mm a tla niin an sawi.

Nikum chhung khan thla tin ruahtui tla a awm ziah a, January-ah tla tlem berin 1.8 mm a tla a, August-ah tla tam berin 572.7mm a tla a ni.

* Kum 10 kalta chhunga khaw vawh ber chu January 13,2017 niin 2.7 degree celcius a ni a, a lum ber chu April ni 13,2017 niin 36.5 degree celcius a ni.

* Kum 10 kalta chhung veka ni khata ruahtui tlak tam ber chu May ni 28,2024 niin 205mm a tla a ni.