December 5, 2023; A zawn a MLA term 5 tling thei, silver jubillee pawh lawm thei R. Lalzirliana chu a term 6 na turah a tling zo ta bik lo.

Kumin MLA inthlan a first time voters tam takte pianhma emaw, naupang mai an nih lai emaw a MLA lo ni tawh, Pu Zira hi a vawi khatna atan kum 1998 ah INC ticket in Saitual/Ṭawi bialah thlan tlin a ni a.

Hemi hnu inthlan 2003, 2008 leh 2013 inthlanah te INC ticket in a tling zui a, 2018 inthlanah MNF ticket in thlantlin leh a ni.

MLA a nih kum 25 chhungin, term 3 (kum 15) chhung cabinet minister ni thei niin, a dinhmun chelh ang chelh thei hi midang an la awm lo.

Kumin inthlanah erawh a dinna bial sawnin, Aizawl North I ah MNF ticket in a ding a, ZPM candidate Vanlalhlana hneh zo loin, kum 25 zet MLA a lo ni tawhna chu tihtawp a ni ve ta a, Former Legislators Association of Mizoram (FLAM) member lamah ziahluh a ni ve rih dawn ta a ni.