Aizawl March 17, 2024 : Mizorama damdawi in lian ber, Civil Hospital, Aizawlah kum nga kalta, 2019 atanga 2023 chhung khan nau piang zingah hmeichhia aiin mipa an tam zawk.

Civil Hospital, Aizawl chhinchhiah danin kum 2019 khan CHA-ah hian nau piang 4,286 awmin heng zinga 2,166 chu mipa an ni a, 2,120 chu hmeichhia an ni.

Kum 2020 khan nau piang 3,852 awmin heng zinga 2,043 chu mipa an ni a, hmeichhia 1,809 an awm a. Kum 2021 khan nau piang 3,699 awmin an zinga 1,838 chu mipa an ni a, hmeichhia 1,861 awmin hei hi kum nga kalta chhunga hmeichhia piang an tam zawk kum a ni.

Kum 2022 khan CHA-ah hian naupiang 4,144 awmin mipa 2,115 leh hmeichhia 2,029 an ni a, nikum 2023 khan nau piang 3,899 awm lehin an zinga 1,971 chu mipa an ni a, hmeichhia 1,928 an awm bawk.

Kum nga kalta (2019 atanga 2023) chhung khan CHA-ah hian nau piang 19,880 awmin an zinga 10,133 chu mipa an ni a, hmeichhia 9,747 an awm bawk.

Kum nga kalta chhung vek khan CHA-ah hian 3,309 an awm a. State pawna inenkawl chhunzawm tur (refer case) hi kum 2019-ah 2,592, 2020-ah 1,171, 2021-ah 1,936, 2022-ah 2,756 leh 2023-ah 2,746 te an awm a ni.