ZALEN January 7, 2025 : One in Christ chuan thuchhuah siamin an Assistant Leader nilai Christina Vanlalnghaki chuan tun term thar atang an group chawlhsan dawn tih hriattirna thuchhuah an siam.

Christina-i hi kum 2019 khan OiC ah lo lutin term ruk (2019, 2020, 2021, 2022, 2023, 2024) a tel hman a. A tel chhung hian Secretary leh Asst.Leader dinhmun te a lo chelh tawh thin a ni.

A lo tel hnu reilote atangin group khaipa zinga a mi a ni nghal a, an group hmelhmang lanna pakhat a ni. Rawngbawlna kawnga inpe tak, theihtawp chhuah thin a nihna te hi an group chuan an chhawr hle an ti a, aw danglam tak nei a nih avangin an zái pawh a cháwi hle a an hriat thu an thuchhuah siamah hian an tarlang.

A chawl ta mai tur hi an ui a, chutihrualin an rawngbawlnaa a inpekna zawng zawngah lawmthu an hrilh a, ui tak chung leh a bula zái la khamkhawp lo takin a kal zelna turah duhsakna sang ber One in Christ hian an hlan a ni.