ZALEN September 3, 2025 : Vawiin khan Lalthuami (kum 64) w/o C. Lalvuana, Pangzawl Venglai chu an Lo-ah hna a thawh laiin ṭekin a deng a, thi a hmuh niin, naktukah vui tur a ni.



Pangzawl Group YMA Secretary Zorema atanga ZALEN thudawn danin Lalthuami hi nimin khan an Lo awmna Pangzawl, Hnahthial district-a Sedai Tlangram zau-ah a riak lut a, vawiin khan hna a thawh laiin chawhnu dar 2:00 vela ruah rawn sur lai khana a hnawthawna bul hi Tek chuan a deng a, an ri te leh ral atanga rawn hmu te ngaih tha lo chuan a hmunah an va kalchilh a, Lalthuami ruang an va hmu a ni.

Lalthuami hi ral atanga lo hmutute chuan a bunna hmun Khiang kung chu dengin a khu luih an ti a, an ngaih tha lo chuan va panin a ruang hi an va hmu ta a ni.