Aizawl March 18, 2024 : Vawiin khan Mizo Hnam Run chhung inkhawm neih a ni a. Hun hnihna (political session)-a thusawitu MNF Vice President Vanlalzawma chuan kum nga liam hnuah MNF an sorkar leh dawn niin a sawi.

"Kum nga a liam leh meuh chuan kan sawrkar leh dawn niin a lang," Zawma chuan a ti a. "Kan sukthlek en hian lehkhathiam tamna State ang deuhin kan kalphung hi a inher danglam dawn niin a lang."

"Kerela, Karnataka, Tamil Nadu-te thlirin kum nga zela roreltu inthlak chho ang deuhin Mizoram pawh hi kan kal chho dawn niin a lang. Tuna ZPM sawrkar pawh hian thil a titha viau mai. Amaherawhchu, hun han kal deuh se mipuite sukthlek a danglam chho zel dawn a ni," a ti.

MP thlan tur chungchangah Zawma chuan, "MP inthlan lo awm turah MNF party-ah buaina tur a awm lo. Kan hotuten uluk takin an ngaihtuah dawn a. Candidate an ruat dawn a, chu chu thuawih takin kan pawm mai tur a ni. MNF chu thuawih thei leh discipline nei tha kan ni," a ti.