Aizawl January 26, 2025 : Kum liam ta, 2024 chhung khan Mizoram-ah ruahtui tla a tam hle a, Aizawl bika ruahtui tla chu mm (millimetre) 2,295.9 a tling a. Tun hnai kum nga chhung a ruahtui tlak tam ber kum a ni.

Directorate of Science & Technology chhinchhiah danin nikum chhunga ruahtui tla zat hi kum hmasa, 2023 chhunga tla zat aiin a tam hle a. 2023-a ruahtui tla zat mm 1,972.8 aiin mm 323.1-in a tam zawk.

Nikum January-ah ruahtui mm 1.8 a tla a, February-ah mm 15.2, March-ah mm 33.8, April-ah mm 87.0, May-ah mm 519 leh June-ah mm 353.7, July-ah mm 35.5, August-ah mm 572.7, September-ah mm 231.6, October-ah mm 82.9, November-ah mm 20.2 leh December-ah mm 19.6 a tla.

Nikuma ruahtui tlak tam ber ni chu May 28 niin mm 205.0 a tla a, data atanga a lan danin, hetiang zata tam hi ni khat thil thu-ah ruah a tla zen zen lo.

Kum 2023 January leh February-ah ruahtui tla a awm lo a, March-ah mm 78.0, April-ah mm 98.1, May-ah mm 102.8, June-ah mm 381.7, July-ah mm 291.0, August-ah mm 427.1, September-ah mm 321.7, October-ah 80.0, November-ah mm 108.8 leh December-ah mm 83.6 a tla.

State Meteorological Centre, Directorate of Science & Technology-in a chhinchhiah tawh chinah Mizoramah kum 36 chhung (1986 atanga 2021) khan fur laiin (June - September) kum tin ruah mm 1,289.9 sur ang a ni.

Kum 2017 kha fur chhung bika ruahtui tlak tam ber kum niin June - September thla chhungin mm 1,836.0 a tla a. Kum 2020 kha fur chhung bika ruah tui tlak tlem ber kum a ni a, mm 856.4 chauh ruah a tla.