Nicky Lalrochhara

Kan han kal nek nek a kum thar chu kan lo chuangkai leh ta der mai, ni e “kumthar hun ah chuan” tiin ruahmanna siam thin tamtak kan awm a, mahse kan ruahmanna siam hi kan bawh zui leh loh chuan dar ben thek ri ang chauh a ni mai dawn a ni.

Nang leh kei in he kumthar hian enge thleng ang tih an hriat miah loh kum hi kan han thleng ve ta mawp mai a ni a, ka thian duh tak kan va vanneiin Pathian hma­ngaihna kan chungah a lang nasa tih a hriat a, lawmthu sawi mawlh mawlh tur kan nih zia hi nang leh kei hian kan hai hauh lo.

Kumthar thleng zo ve ta lo kan thalai pui kum la naupang tak tak a boral ta te, kan nu leh pa, kan pi leh pu te chen in he hun hmu pha lova mual liam ta hi an va tam em. Kumthar ah hian kan hmalam hun tur thui tak a hril leh dawn a kum bul i tan dan in kum tawp thleng in min nghawng leh vek dawn a ni.

Awle thian duh tak ka sawi duh chu hei hi a ni. Nang leh kei hian tun kum chhung hian eng thil tha nge kan tih ve ang? Khawvel ah hian engti tura awm nge ka nih?.

Inngaihtuah chian a hun ta he mai, mi neinung leh khawsa thei fa te chuan kumtluanin an duh leh chak zawng tih nan hun an hmang leh ngei dawn a, keini chuan nitin eitur ngaihtuahin inhlawhfa in emaw hun kan hmang leh dawn a ni. Chumi chu ni mah se, i duh i neih theih mai ngai loh avang khan leh mi neinung fa te i awt avang khan i rilru lo ti hnual reng reng suh!

Kan bible chuan, “Hnathawk tu chu hlawh hmu tlak a ni” a tih kha hre reng la, taima tak leh rim tak a i thawh chuan hlawhtlinna chuan i zawn buai ngai lo in a rawn pan mai dawn che a ni. He kum thar ah hian rilru thar pu-in tumruhna nen hun bul nun bul thar chu tan ve tur in ka sawm che a ni.

Chumi a nih mek lai erawh chuan Hlawhtling tum leh taihmak leh thawhrim ringawt hlawhtlin na bul a ni kher lova i hriat tur pakhat chu hlawhtling tur chuan, tumruhna, tih rei peih, tawrh chhel leh tumruhna te neih loh chuan hlawh tlinna hi kan hmu ngai dawn lo tih hriat a tha.

Kumthar anih angin i thutiam chu hlen ngei la, tunkum chhungin nang ai a chan hai zawk te dawm kang tu i lo nih zawk theih na, nang mahah Lalpa in a nunna leh hriat na tha tak a la dah te hmang khan i theih na chu han lan chhuah tir ve ta che.

Zu in mi inih chuan i zu in thin te sim tum la, Zial zu mi inih chuan sim tum la, in sual buai ching mi inih chuan he kumthar hian i nihna thin tha lo zawng zawng te chu i nih ngai loh mi tha i lo nih theihna kum hlui khan liam pui tir tawh rawh se.

Engkim tan vawi khat hun ruat ani a, he i vawikhat hun tha hi i bawh pelh mai zawng in ka thian i tan nung dam a ila awm hian awmzia a nei lo ang a, ramsa ang mai i ni mai dawn zu nia!,

Khawvel ah hian tih tur bik nihna tih tur (destiny) kan nei theuh a chu i nih na leh i tih tur hmabak la awm chu a tha lam anih ngei ka beisei a, i hlen chhuah na tur kawng hi kawng namai ani dawn lova, buaina, harsatna tam tak ten an la chim buai dawn chauh che a ni tih i hriat erawh a tha, engkim ah Pathian rawn chung leh tih chung­in, Kumthar, rilru thar in he hun hi hlimtaka i hman ngei ka beisei.