ZALEN September 13, 2026 : Kumin thla riat chhung (January atanga August) khan Mizoramah lirthei chetsualna tum 69 thlengin thi 68 an awm. 

Mizoram Police chhinchhiah danin thla riat kalta chhung khan thihna thleng accident tum 62, hliam na tak tuar awmna panga, hliam tenau tuar awmna pakhat leh hliam awm lohna tum khat thlengin lirthei chetsualna thleng zawng zawng hi a vaiin tum 69 a ni.

Lirthei chetsualna thlengah hian thi mi 68, hliam na tak tuar 18 leh hliam tenau tuar 22 awmin lirthei chetsualna tuartu mi 108 an awm a ni. 

Mizoram Police chuan lirthei neitu/khalhtuten kan lirtheite tangkai taka kan hman mék lai hian a khalhtu/hmangtu leh kea kal (pedestrian)-te tan pawh mit khap kár leka nunna chân theihna leh kumkhaw chawr lohna thlen theitu a ni tih hre reng chunga fimkhur thar zel turin an chah.