Aizawl July 18, 2022 : Union Home Minister Pu Amit Shah hovin ‘Har Ghar Tiranga’ hmalakna kal mekah Pathianni khan inrawnkhawmna neih a ni a, August 13-15, 2022 chhung hian ram puma chenna In zawng zawnga hnam puanzar zar a nih theihna atana hmalak mek a ni. Har Ghar Tiranga hi India zalenna kum 75-na lawman ‘Azadi kan Amrit Mahotsav (AKAM)’ kal zela hmalakna pakhat a ni.

Meeting-ah hian Har Ghar Tiranga chu India khua leh tui ten ram leh hnam hmangaihna an lo neih thuk leh zual an neih theih nan a ruahman anih thu sawi a ni a. State leh UT tin a he hmalakna hnuaia flag mamawh zat leh senso ngai te, leina tur leh siamchhuah dan tur te, hralhchhuahna tur man zat bituk te sawiho a ni a. Flag hi chi thum (size thum) a siam tura tih niin, state/UT te’n an lei/ siam dan tur te sawi a ni a. NRLM hnuaiah ‘flag production’ pawh telh a nih thu tarlan a ni. 

Mizorama hmalak dan tur chungchangah Mizoram Art & Culture department chuan naktuk atan hian meeting a ko a ni.