English singer Adele chuan kumin chhunga album hralh hnem ber record a siam. Kum 33 mi Adele hian November 19 khan a studio album palina a tichhuak a, ni reilote chhungin he album hi kumin chhunga album hralh chhuah hnem ber a ni hem mai. 
A album thar title hi '30' niin, tun laia album lar leh hralh kal ber a ni mek. Swedish pop group ABBA comeback album 'Voyage' hralh chhuah zat chu nei reilote chhungin a rawn khum a, kumina album hlawhtling ber tiha chhal theih a ni ta. 
Adele '30' hi tlangzarh a nih atanga kar khat lek chhungin copy maktaduai khat chuang hralh chhuah a ni a, chart hrang hrangah ro a rel hneh hle bawk. 
Kumina album chhuak thar zingah English singer Ed Sheeran album '=' chu hralh kal zingah a tel bawk a, Adele '30' chhuah hma zawnga roreltu chu ABBA album 'Voyage' a ni. Adele lo lan hnuah erawh heng hi a rawn khum a, tun thlaa release chauh ni mahse a na mai lo hle tih a lang. 
Hei mai hi a la ni lo a albuma a hla hit 'Easy on Me' hmangin chart hrang hrangah record a siam bawk.