ZALEN, December 24, 2025: Kum 10 mi, Shepherd Zomuani lehkhabu, ‘My Teddy’ comic bu chu Thawhlehni zan khan Rev. Dr. R. Lalthanmawia'n a tlangzarh a, kumina Mizo naupang zinga lehkhabu pahnih tichhuak thei awm chhun nia hriat a ni.

FW Cafe, Tuikhuahtlang, Aizawla lehkhabu tlangzarh inkhawm hi hman a ni a. Shepherd-i hian May thla khan a lehkhabu ziah hmasa ber, ‘From My Heart to Yours’ tih a lo tichhuak tawh bawk a ni.

Shepherd-i hi Zoramliana leh Ammmie Lalnunpuii te zinga a mi lai a ni a, English Congregation School-a pawl li zirlai a ni a, YES 2025, Youth Summit-ah ‘Stars of Tomorrow’-ah thlan a ni nghe nghe.