Aizawl; Mizoram chuan kumin 2013-2014 hian Sangah metric ton 6200 a thar beisei a ni a, nikum khan metric ton 5600 chuang deuh a thar. Fisheries department chhut danin Mizoram ah sangha dil siam theihna ram hectare 24,000 vel awmah tunah hian ram hectare 4500 ah vel chauh dil hi siam a ni a. Hei vang hian kan mamawh pawh a phuhru zo lo nasa hle a ni an ti a. Department chhut dan chuan Mizoram mi-pui sangha mamawh hi kum khatah metric ton 14300 anih laiin tun dinhmun ah chuan a zahve pawh kan la tharchhuaklo a ni. Sangha note tharchhuah kawngah pawh Mizoram chu a la intodelh lo hle niin Fisheries department thawktute chuan an sawi bawk a. Kum khatah sangha note nuai 400 vel mamawh anih laiin mimal dil leh sawrkar enkawl dil atangin sangha no 240 vel chauh a tharchhuak a, a bak nuai 160 vel hi state dang Tripura leh Assam atanga chawkluh a ngai thin a ni. Fisheries department in tunhma deuha lui thenkhata sangah no an chhuah thin chu titawpin Serlui leh Teirei tuikhuah ah te an chhuah a, nikum 2012-2013 chhung ringawt pawh khan he tuikhuah pahnih atang hian sangah metric ton 400 vel man a awm niin department thawktute chuan an sawi. Kum 2011-12 khan sangha no hi nuai 320 chhuah a ni a, kum 2012-13 ah nuai 240 leh nikum 2013-14 ah nuai 300 chhuah a ni.