Kuminah ruihhlo hman sual vanga thi 33 awm tawh

Admin - Jul 18, 2021

Mizoramah ruihhlo hmansual vanga thi 1,679 an awm tawh

Aizawl: Kumin kumtir atanga July 16, 2021 thleng khan Mizoramah ruihhlo hman sual vanga thi mi 33 an awm tawh.

Excise & Narcotics Department chhinchhiah danin kumin chhunga ruihhlo hman sual vanga thi 33 zinga 30 hi mipa an ni a, pathum hi hmeichhia an ni. Ruihhlo hmang sualtute hian heroin chu an hmang tlanglawn ber a ni. END chhinchhiah danin Mizoramah ruihhlo hmansual vanga thi 1,679 an awm tawh a, an zinga 1,483 hi mipa niin 196 chu hmeichhia an ni.

Excise & Narcotics Department hian kumin June thla tawp thleng khan heroin kg 9.7, ganja kg 101.6, methamphetamine kg 6.9 an man tawh a. Ruihhlo phurh nana hman lirthei two wheeler 15, LMV 27 leh HMV 1 aan man tawh bawk. END hian kumin chhungin sawrkarah chhiah Rs. 39,44,483.00 an chhunglut tawh bawk.

Share now