ZALEN, March 12, 2025: Mizo Photographers' Society (MPS)-in Chapchar Kût denchhena Kût Lady an thlan kal mekah a tha zual 10 a hriat tawh a, Inrinni zana final result puan hmabak mekah mipuiin duhthlan theihna sang tak a awm mek.

Chapchar Kût Lady Top 10-te hi MPS chuan mipui vote theih turin an Instagram leh Facebook Page-ah an thlalak an chhawp chhuak mek a ni a, heng atang hian mipuiin an duh leh tha an tih an thlang thei a. Mipui vote (social media-a like leh comment an hmuh) hian point pawh a keng tam dawn hle a, 30% zet a keng dawn a ni.

Mipuiten an duh an thlan theihna hun hi Ningani tlai dar 6:00 thleng hawn a ni ang. 

Final result hi Vaivakawn Cultural Centre-cum-Auditorium, Vaivakawn, Aizawlah puan a ni ang.

MPS CHAPCHAR KÛT LADY 2025 TOP 10:

1. Lalnunsangi, Damveng

2. Noel Malsawmtluangi, Bawngkawn

3. Merry C Lalhmangaihzuali, Ramhlun Vengthar

4. Lalchhuanmawii, Laipuitlang

5. C. Lalthuammawii, Kulikawn

6. Christy Lalrinfeli, Nursery Veng

7. Grace Malsawmkimi, Chawnpui

8. Lalnuntluangi, Chanmari

9. Lalrinnungi, Kulikawn

10. Rosy Lalhriatpuii, Leitan