ZALEN Aug. 9, 2024; Mizoram sawrkarin sawhthing lei tura ruahmanna a siam vangin kum dang zawng aiin Sawhthing chin uar a nia, kuminah quintal nuai 10 vel thar beisei a ni.

Mizoram hmun hrang hrang atanga ZALEN in thu a dawn danin, ZPM sawrkarin sawhthing lei tura a lo intiam tawhna bawhzuiin, thingtlang kuthnathawktu tam takin kum dang zawng aiin sawhthing an ching uar a, hma pawh an la nasa.

Kuthnathawktu thenkhat ZALEN in a biakte chuan sawrkar intiamna vangin sawhthing hralh theih ngei an inbeisei thu leh harsatna an tawh lo an inbeisei thu an sawi.

Hetihlai hian sawrkar lam chhinchhiah danah pawh kum dang aiin sawhthing thar a pung dawn niin a langa, kuminah quintal nuai 10 vel thar theih beisei a ni.