American singer Lady Gaga chuan thil dangdai tak a tawng a, concert a neih laiin tek tlain a tibuai a, show tihtawp a ngaih phah hial! Laldy Gaga hi a inthiam lo hle a, fan te hnenah ngaihdam a dil nghe nghe. 

Kum 36 Lady Gaga hian 'Chromatica Ball' tour a nei a, a tawpna turin Florida-ah concert a nei. A tawp zanah pawh hla paruk chiah sak tur a nei tawh a, mahse an zawh fel hmain concert hi an titawp a ngai ta a ni. Concert an neih lai hian ruah a sur a, a hnuah nasa takin tek a tla zui bawk. Hei vang hian show kalpui zel chi a ni tawh lo a, stadium chhunga mi 65,000 zet chuan an inlam an pan ta zawk a ni. 

Hemi chungchangah hian Instagram kaltlangin thuphahawina video a tichhuak a, mittui tla chhungin fan te hriatthiamna a ngen a ni. A concert-na hmun hi American football team Miami Dolphins te stadium hmingthang Hard Rock Stadium a ni a, mipui pawh a khat tlatin an pungkhawm. Show tir lamah Lady Gaga hian 'Rain On Me' a sa a, mipui lam pawh an phur hman viau - ruahsur leh tek tlain a tibuai dawn tih an hriat loh vang a ni ngei ang le.