Aizawl May 23, 2024 : Vawiin khan I&PR Auditorium ah 'Fianrial thlifim (Philosophy leh Theology Bu Sen)' tih lehkhabu, Lalthlanawma ziah chu Book of The Year lawmman tum hnih dawng tawh Lalhruaitluanga Chawngte chuan a tlangzarh.

He lehkhabu review tu F. Vanlalrochana chuan, "Lalthlanawma hian Philosophy leh Theology chaiin, lehkhabu tha deuh mai a ziak a. Philosophy huang zawk ngat phei chu Mizo tawngin sawi fiah vek a tumin, a bei a. Hriat thiam awlsam thei ang ber turin a ziak a. Mipui nawlpui tana tangkai pha tur a ni. Hetianga ziah hi kan la hmu ngai lo. Philosophy lama mit menna atana lehkhabu ṭangkai a tling ang," tiin a sawi.

He lehkhabu ziaktu Lalthlanawma hian Master of Arts(Philosophy) University of Hyderabad-ah zovin tunah hian Mizoram University hnuaia Philosophy department ah Research Scholar niin tunah hian Ramhlun South, Aizawl ah an chhungkuain an cheng mek a ni.