ZALEN September 28, 2026: Tourism Department buatsaihin World Tourism Day 2026 lawmna hun chu vawiin khan Tourism Minister Lalnghinglova Hmar hovin Zo Hall, Chaltlang Tourist Lodge Annex-ah hman a ni a. He hunah hian Mizoram Tourism Excellence Award 2026 lawmawm dawngtute puan a ni. World Tourism Day 2026 thupui hi “Digital Agenda & Artificial Intelligence to redesigning tourism” tih a ni.

Minister chuan, "Tun digital leh AI khawvelah thlalak leh video kaltlangin Zo nun ze mawi leh Mizoram hmun hrang hrang hmuh tur a lo awm zela, kan ram pholang tur hian keimahni kan pawimawh hle a, kan ram mawina thehdarh hi kan mawhphurna theuh a ni. Kan culture leh sakhuana hlauh loa khualzin mi te dawngsawng tur leh Mizoram hi tourist destination lian zawka bung thara kan kai theihnan kan vaia theihtawp kan chhuah a ngai a ni," a ti.

Minister chuan festival hrang hrang rawn awm chho zel turah (Anthurium Festival October 1- 3, 2026, Reiek leh Ailawng a neih tur te; Travel Fest te; Hnahsin Kut, Champhaia neih tur te; Leitlangpui festival; Winter festival etc.) a tam thei ang ber kal turin mipuite a sawm a, Mizo te hi Mizoram-ah khualzin (local tourist) anih theih a, ram chhung hmun mawi leh nuam tak tak te fang kual a, Mizoram pawna mi hip theihnan a zau thei ang berin social media a thehdarh a tul a ni, a ti.

Tourism Minister chuan Mizoram chu tourist destination lian leh zuala siam tum chuan mawhphurna tam tak a awm a ni a ti a, thlenna in (Homestay/hotel) te chuan an hmun hma te thianglim leh fai taka vawn a tul a, dan anga inziak lut theuh turin uar zawka inzirtirna neih a ngai a. Mizoram chu chhungkuaa tlawh tlak ni thei turin hmun ralmuang leh mi tin tana him turin hma lak a ngai a, Zonun ze mawi lantira khualzin mite lo dawngsawng tur a ni, a ti a. Minister chuan mahni theihna zawn theuha tangruala Mizoram hi khualzin mite kal chakna ni thei turin tan la vek turin World Tourism Day ah mi tinte a sawm a ni.

Tourism Excellence Award Winner 2026 lawmman dawngtute chu :

1. Most friendly Tourist Destination: Sialsuk

2. Best Restaurant/cafe in Mizoram: 14 Beans

3. Best Two wheeler Taxi: Moses Laltlanhlua, Edenthar Veng. ID No -3317

4. Best Tourism Promoter: mizoraminsta (ig)

5. Best Yuva Tourism Club: C.Zakhuma Higher Secondary School

6. Best Taxi: Lalrinmawia, Maubawk MTA No - 1463

7. Best Guesthouses/Inn/Hotel/Lodge in Mizoram: Rest Inn

8. Best Hotel in Mizoram: Royale Lalawi Hotel

9. Best Homestay in Mizoram: Connerstone Homestay

10. Best Tour Operator in Mizoram: Xplora Tours & Travels (Prop : Dinsanga Benjamin)

11. Best Tour Guide: Lalchhantluanga

Tourism Ideathon - 2026: Yuva Tourism Club Competition result lawmman dawngtute chu

1. 1st Prize: J Buana College Yuva Tourism Club, Lunglei 

2. 2nd Prize:Government Serchhip College Yuva Tourism Club, Serchhip 

3. 3rd Prize: Govt KM Higher Secondary School, Yuva Tourism Club, Aizawl

4. Best Destination Video-Women’s Polytechnic, Aizawl te an ni.

Pic - Best Taxi Driver - Lalrinmawia, Maubawk MTA No - 1463