ZALEN, May 3, 3036: 41st Lalzuia Mizoram Tennis Association (MTA) Golden Jubilee Celebrations Tennis Championships 2026 khelh zawh takah mipa maltanah Basil Khuma leh hmeichhe maltanah HT Lalengmawii an champion.

Aizawl Tennis Club court leh Mizoram State Sports Council (MSSC) Tennis Centre, Ramhlun Sports Complex-a kar kal ta chhunga inelnaah hian Inrinnia mipa final-ah Basil-a hian semifinal-a Mizoram No 1 Innocent Lalrindika a hneh hnuah a u, Joseph Z Khuma lakah 6-4,6-2-a chakin nomawi a la.

Basil-a hi hliam vangin professional huangah a tum ang thleng thei lo mah se tual chhungah erawh hneh theitu a la tawng meuh lo va. Tun tum tournament-ah pawh hian mi mala chak ber a nih bakah mipa doubles-ah hian a u nen tangdunin final-ah Zothanpuia & Benjamin Sailo te tang dun chu 6-3 6-1-a hnehin an champion bawk.

Hmeichhiaah Mizo hmeichhe zinga record nei tha ber leh Mizoram No. 1,Thenzawl nula hian harsatna tawk lovin Christabelle Ngaihdami chu 8-0-a hnehin a champion a ni.

Final Results kimchang:

Men’s Singles: Basil Khuma def. Joseph Khuma 6-4, 6-2

Ladies Singles: HT Lalengmawii det. Christabelle Ngaihdami 8-0

Men’s Doubles: Basil Khuma & Joseph Z Khuma def. Zothanpuia & Benjamin Sailo 6-3 6-1⁠

60+: Lalremruata def. Laltluangkima 6-2 

35+: Joseph Khuma def. Benjamin Sailo 6-0, 6-0 

45+ doubles: Andrew Sailo/Zonunthara def. Lalthanmawia/Zokhuma 8-6

45+: Alex Lalrawngbawla def. Lalthanmawia 8-2

W.O: Rosangkima Hlondo deg. Lalhruaitluanga Sailo

U-14: Judy Lalfakzuali def. Christabelle Ngaihdami 6-1