Aizawl: Nimin zing khan Mizoram Governor Lt. Gen. Nirbhay Sharma leh Union Minister of State for Consumer Affairs CR Chaudhary te chu Raj Bhavan-ah an inkawm a. Parliamentary Secretary TT Zothansanga, FCS&CA Department leh Food Corporation of India (FCI) hotuten an tawiawm a ni. Larsap chuan Mizoram chu sawrkar inrelbawlnaah hmarchhak atanga a tha berte zing ami a nih thu sawiin, inkal pawhna kawngpui leh rel kawng sial mek te avanga ei leh bar kawnga hmasawnna tur tam tak a hmuh thu a sawi a ni. Hmarchhak mite nunphung leh hnam zia rang chu India ram hmun danga mite nen a inan loh thu sawiin, sawrkar laipui pawhin inhriatthiamna thui tak a neih tha a tih thu a lo hrilh a ni.