Latin Music Award-ah Bad Bunny a ropui

Admin - Sep 26, 2021

Award 10 zet a hui

Kumtina sem thin Billboard Latin Music Award chu Zirtawpni zing khan sem a ni a, Bad Bunny chuan award 10 zet huiin mimala langsar ber a ni. 

Puerto Rican rapper Bad Bunny hi Artist of the Year atan thlan a ni a, Billboard Latin Music Award 2021-ah a ni aia ropui an awm lo. Artist of the Year award dawng tur hian - J Balvin, Maluma leh Ozuna te a khum a, atan kum tha bik tih loh theih a ni lo. 
Bad Bunny bakah hian Karol G a langsar viau bawk a, Shakira pawh award dawng zingah a tel. 

Mi bik chu
Latin Music Award hi 1997 atang khan sem tan a ni a, kumin hi a vawi 27-na a ni. Record nei tha tak tak an wm a, chung zinga hming langsar chu Bad Bunny hi a ni. 

Bad Bunny hi kumin hian category 22 zetah award dawng thei tura chhawpchhuah a ni a, chung zinga 10-ah chuan hlawhtlinna a chang. Award a dawngte - Songwriter of the Year, Hot Latin Songs Artist of the Year, Latin Rhythm Artist of the Year, leh Top Latin Albums Artist of the Year te a ni nawk a, mi bik tan lo chuan thil theih loh tluk a ni. 

Jhay Cortez nena an hla hit 'Dákiti' pawh Hot Latin Song of the Year atan thlan a ni a, Streaming Song of the Year a ni cheu bawk. A album 'YHLQMDLG' pawhin award pathum lai a hlawh chhuak bawk. 

Jhay Cortez  hian award pathum a dawng a, Black Eyed Peas pawh an nil bik lo. Hun rei tak hnua intuaithar leh Black Eyed Peas  hian J Balvin thawhpuia an tihhhuah 'Ritmo (Bad Boys for Life)' chu Sales Song of the Year an lakpui a ni. Colombian singer Maluma leh The Weeknd te chuan award pahnih ve ve an humhaw bawk.

Hmeichhe lamah Urban star Karol G a langar hle a, Hot Latin Songs Artist of the Year atan thlan a ni - Top Latin Albums Artist of the Year a la tel bawk. 

Puerto Rican singer ropui Daddy Yankee chu Hall of Fame-ah lakluh a ni a, a phu ang ngeiin chawimawi a ni. Kum 2017 khan  Puerto Rican duo - Luis Fonsi leh Daddy Yankee te chuan khawvel dengchhuak hla 'Despacito' an tichhuak a, record chi hrang hrang an siam hnem hle. He hla hian YouTube-ah viewer 7,549,806,000 chuang a nei tawh a, he hla vang ringawt pawh hian chawimawi hi an phu hle a ni. 

WINNERs ARE

Artist of the Year 
• Bad Bunny
New Artist of the Year
• Myke Towers
Crossover Artist of the Year
• Black Eyed Peas
Hot Latin Song of the Year
• Bad Bunny & Jhay Cortez, 'Dákiti'
Hot Latin Songs Artist of the Year Male
• Bad Bunny
Hot Latin Songs Artist of the Year Female
• Karol G
Latin Airplay Song of the Year
• Maluma & The Weeknd 'Hawái'
Latín Airplay Label of the Year:
• Sony Music Latin
Top Latin Album of the Year
• Bad Bunny 'YHLQMDLG'
Top Latin Albums Artist of the Year
• Bad Bunny
Latin Pop Artist of the Year, Solo
• Shakira
Latin Pop Song of the Year
• Black Eyed Peas, Ozuna & J.Rey Soul 'Mamacita'
Latin Pop Albums Label of the Year:
• Universal Music Latin Entertainment
Songwriter of the Year
• Bad Bunny
Publisher of the Year
• RSM Publishing, ASCAP
Producer of the Year:
• Tainy

Share now